“Biz indi özümüzə rəqib seçə bilmərik”

“Sumqayıt” premyer liqanın 19-cu turunda səfərdə “Neftçi”yə 1:2 uduzub. Allsport.az saytı xəbər verir ki, görüşlə bağlı qonaqların baş məşqçisi Aleksey Baqa bunu deyib:

“Rəqib komandanın heyətində kifayət qədər yaxşı futbolçular var. Özlərini yaxşı göstərdilər. Hər kəs bacardığı oyunu göstərdi. Lakin belə komandalarla oyunlarda da qələbə qazanmaq lazımdır. Amma bizə nəsib olmadı.

Biz indi özümüzə rəqib seçə bilmərik. Çünki o vəziyyətdə deyilik. Hər oyuna son matç kimi çıxırıq. Xal qazanmaq lazımdır. İstəyir rəqib “Neftçi” olsun və ya başqası. Ona görə də belədir”.