BMW formula E-yə qatılacaq

BMW şirkəti elan 5-ci mövsümdən, yəni 2018/19-cu illərdən başlayaraq formula E seriyasına qatılacaq. Allsport.az saytının məlumatına görə, FİA şirkətin ərizəsini qəbul edib. Almanların yaydığı mətbuat-relizində deyilir ki, BMW Group-un avtoidmanda strategiyası dəyişdiyi üçün belə bir addım atılıb.

Hazırda Almaniyanın avtoistehsalçısı çempionatda Andretti komandasının tərəfdaşı kimi iştirak edir. F-1 az-ın xəbərinə əsasən, şirkətin hibrid və elektrik maşınları ilə məşğul olan BMW i bölməsi çempionata Təhlükəsizlik Maşını verməklə seriya ilə əməkdaşlıq edir.