“Botafoqo”nun yetirməsini icarəyə götürüb

Yeni mövsüm üçün transfer çalışmalarını davam etdirən “Sumqayıt” müqavilə ilə Bolqarıstanın “SSKA 1948” klubuna məxsus olan braziliyalı yarımmüdafiəçi Oktavio Mantekanı 1 illik icarəyə götürüb.

Allsport.az saytı xəbər verir ki, futbolçu “Botafoqo” klubunun yetirməsidir və karyerasında İtaliyanın “Fiorentina”, Belçikanın “Berşxot”, Bolqarıstanın “Beroe” və “Lokomotiv Sofiya” kimi komandalarda çıxış edib.

“Kimyaçılar” öncə Mehdi Cənnətov, Orxan Sadıqlı, Rövlan Muradov, Kamran Quliyev, Erik Sorqa, Roi Kahat və İsa Sulimanı heyətinə qatıb.