“Böyük ölçüdə premyer liqada qalmağı həll etmişik”

Bu gün “Kəpəz” premyer liqanın 31-ci turunda səfərdə “Şamaxı” ilə 1:1 heç-heçə etdi. Allsport.az saytı xəbər verir ki, mətbuat konfransında qonaqların baş məşqçisi Tərlan Əhmədov bunu söylədi:

“Bu gün baxımlı futboldan danışa bilmərəm. Şamaxı çətin səfərdir. Liderlər də burada ciddi müqavimətlə üzləşirlər.

Komandada yorğunluq hiss etdim. Daim səfərdə olmağımız gücümüzü azaldır. Buna rəğmən, Şamaxıdan 1 xalla dönmək qənimətdir.

Böyük ölçüdə premyer liqada qalmağı həll etmişik. Hazırda 29 xalımız var. Bunların sayını qarşıdakı 5 oyunda 35-ə yüksəltsək, məsələni tam qapayacağıq”.

Kamran HACI, Şamaxı