Branimir Subaşiç komandasını məğlubiyyətdən xilas edə bilmədi

Serbiya Super Liqasında 17-ci turun oyunları keçirilib. Allsport.az xəbər verir ki, Azərbaycan yığmasının sabiq hücumçusu Branimir Subaşiçin komandası – “OFK Belqrad” da növbəti matçına çıxıb.

Sözügedən klub doğma meydanda “Radniçki” ilə qarşılaşıb. Matç Subaşiçin komandasının 0:2 hesablı məğlubiyyəti ilə başa çatıb. Əsas heyətdə meydana çıxan Branimir bu matçın sonunadək meydanda olub.

Qeyd edək ki, “OFK Belqrad” hazırda 15 xalla 16 klub arasında 13-cü pillədə qərarlaşıb.