Braziliya qran-prisində “Red Bull”un sürücüsü 1-ci oldu

Formula 1 üzrə dünya çempionatının Braziliya qran-prisi başa çatıb. Allsport.az xəbər verir ki, San-Pauluda keçirilən yarışın qalibi “Red Bull”un pilotu Maks Ferstappen olub. “Toro Rosso”nun yürüşçüsü Pyer Qasli ikinci, “Mercedes”in pilotu Lüis Həmilton isə üçüncü yeri tutub.

Ferstappen karyerası ərzində 8-ci, bu mövsümdə isə üçüncü dəfə qalib olub.

Formula 1-də 2019-cu il mövsümünə Əbu-Dabi qran-prisi ilə yekun vurulacaq.