Braziliyalı mərkəz müdafiəçisi “Neftçi”də

“Ağ-qaralar” Yuri Matiasla 2 illik müqavilə bağlayıb. Allsport.az saytı xəbər verir ki, 28 yaşlı mərkəz müdafiəçisi komandamızın heyətində 44 nömrəli geyimdə çıxış edəcək.

O, Braziliyanın “Amerika” (2014-2016), Portuqaliyanın “Akademika” (2016-2020), Təbrizin “Traktor” (2020), Rumıniyanın “Qaz Metan Mediaş” (2020-2022) və “ÇFR Kluj” (2022-2023) klublarında oynayıb. 2021/2022 mövsümündə “ÇFR Kluj”la Rumıniya çempionu olub.

“Neftçi” bundan əvvəl milli komandamızın üzvləri – qapıçı Emil Balayev və Xorvatiya əsilli yarımmüdafiəçi Filip Ozobiçi transfer edib.