“Bu gün 2 xal itirdik”

Bu gün premyer liqanın 15-ci turunda “Sumqayıt” səfərdə “Turan Tovuz” ilə 2:2 etdi.

Allsport.az saytı xəbər verir ki, mətbuat konfransında qonaqların baş məşqçisi Mübariz Orucov bunu söylədi:

“Son bir həftədə 3 oyunumuz var idi. Belə qrafiklə çətindir. İkinci hissənin ilk 10 dəqiqəsini çıxmaq şərti ilə, komandadan razı qaldım.

Hesabda üstün olduğun durumda sonradan təşəbbüsü əldən vermək çox üzücüdür. Bu gün 2 xal itirdik.

Çempionatın yarısına hələ çatmamışıq. Yarış cədvəlində vəziyyət elədir ki, uğurlu sıralama durumu dəyişə bilər”.