“Bu gün mən xoşbəxt deyiləm”

Karlo Ançelotti la liqanın 1-ci turunda “Malyorka” ilə heç-heçəni (1:1) şərh edib.

Allsport.az xəbər verir ki, bu barədə o, klubun mətbuat xidmətinə açıqlama verib:

“Oyuna yaxşı başladıq, üstünlüyü ələ keçirdik və ikinci qolu vura bilərdik. İkinci hissədə balansımız çatmadı. Buna görə məğlub ola bilərdik. Ən yaxşı matç deyildi. Çox hücum edirik və müdafiədə tarazlıq çox vacibdir.

Bu gün mən xoşbəxt deyiləm. Düşünürəm ki, daha yaxşı oynaya bilərdik. Mən heç bir bəhanə gətirmək istəmirəm. Biz daha çox iş görməli və özümüzü daha yaxşı qurmalıydıq. Bu matç bizə çox şey öyrədə bilər”.