Bu gün “Neftçi” Özbəkistanın “Nasaf” klubu ilə gücünü sınayacaq

Türkiyənin Antalya şəhərində təlim-məşq toplanışında olan “Neftçi” klubu növbəti yoxlama oyununu bu gün keçirəcək. Allsport.az saytı xəbər verir ki, “ağ-qaralar” Özbəkistanın “Nasaf” komandası ilə qarşılaşacaq.

“Bellis Deluxe” mehmanxanasının meydançasında baş tutacaq görüş Bakı vaxtı ilə saat 18:00-da start götürəcək. Xatırladaq ki, bayraqdar hazırlıq çərçivəsində keçirdiyi ilk sınaq matçında Türkiyənin “Sivasspor” klubu ilə qolsuz heç-heçə etmişdi.