Budaq Nəsirov 2 oyunluq diskvalifikasiya olundu

Bu gün AFFA İntizam Komitəsinin növbəti iclası keçirilib. Allsport.az xəbər verir ki, aparılan müzakirələrdən sonra Topaz Premyer Liqasında çıxış edən klubların əvəzedici heyətləri arasında təşkil olunan ölkə çempionatının 14-cü turunun oyunları ilə bağlı aşağıdakı qərarlar qəbul olunub:

“Kəpəz” – “İnter” matçının 90-cı dəqiqəsində “Kəpəz”in futbolçusu Budaq Nəsirov aqressiv hərəkətə görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb, klubu 1000 manat cərimə olunub.

“Zirə” – “Xəzər Lənkəran” matçının 86-cı dəqiqəsində “Zirə”nin futbolçusu Şahvələd Məhərrəmov ikinci sarı vərəqə alaraq meydandan kənarlaşdırıldığı üçün 1 oyun cəzalanır, klubu 100 manat cərimə olunub.

“Qəbələ” – “Rəvan” matçının 88-cı dəqiqəsində “Qəbələ”nin futbolçusu Murad Musayev ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klubu 100 manat cərimə olunub.