“Bundan da yaxşı “Neftçi” görəcəyik”

“Gərgin və maraqlı oyun alındı. Meydanda mübarizə gördük. Futbolçularda əzm və istək var idi. Rəqib səhvləri bağışlamadı. Onları qələbə münasibətilə təbrik edirəm. İşimizə davam etməli və səhvləri düzəltməliyik. İnanıram ki, hər şey yaxşı olacaq və bundan da yaxşı “Neftçi” görəcəyik”.

Allsport.az saytı xəbər verir ki, bu açıqlamanı “Neftçi”nin baş məşqçisi Samir Abbasov verib. O, premyer liqanın 15-ci turunda “Qarabağ”a 1:2 uduzduqları oyuna bunu əlavə edib:

“Pato çox yaxşı oyun göstəedi. Halbuki onu pisləyirdilər. Hər bir oyunçuya vaxt lazımdır. İnanıram ki, digər futbolçuların da oyunu düzələcək. Meydanda uduzmaq istəməyən 2 komanda var idi. Təəssüf ki, qələbə qazana bilmədik. Komandamın göstərdiyi oyun başlanğıcdır, bizə ümid verir. Digər məqamları da düzəldə bilsək, hər şey daha yaxşı olacaq.