Bundesliqanın lideri ilk dəfə futbolçumuzun komandası ilə oyunda büdrədi

Almaniya Bundesliqasında 11-ci turun oyunları keçirilib. Allsport.az xəbər verir ki, Azərbaycan yığmasının qapıçısı Emil Balayevin komandası – “Ayntraxt” da növbəti matçına çıxıb.

Frankfurt təmsilçisi doğma meydanda lider “Bavariya” ilə qarşılaşıb. Matç qolsuz heç-heçə ilə başa çatıb. Zədəli olan Emilin adı bu dəfə də matçın iştirak ərizəsinə daxil edilməyib.

Qeyd edək ki, “Ayntraxt” hazırda 13 xalla 11-ci pillədə qərarlaşıb.