Çalxanoğlu daha 4 il “İnter”də

Türkiyə millisinin və “İnter” klubunun yarımmüdafiəçisi Xaqan Çalxanoğlu Milan klubu ilə müqaviləsini 2027-ci ilə qədər uzadacaq.

Allspport.az xəbər verir ki, 29 yaşlı yarımmüdafiəçi ilə yaxın günlərdə müqavilə imzalanacaq. 

Çalxanoğlu 2027-ci ilin yayına kimi hesablanacaq yeni müqavilənin bütün detalları ilə bağlı klubla razılaşıb. Futbolçunun özü də “İnter”də qalacağını təsdiqləyib.

“Prinsipdə razılıq əldə olunub, çox şadam ki, burada oynamağa davam edəcəyəm”, – deyə Xaqan bildirib.

Çalxanoğlu bu mövsüm “İnter”in heyətində “A” seriyasında 31 oyuna çıxıb, 3 qol vurub və 6 məhsuldar ötürmə edib.