Cavid İmamverdiyev səfər qələbəsinə sevindi

Futbol üzrə Türkiyə PTT 1-ci Liqasında 13-cü turun oyunları keçirilib. Allsport.az xəbər verir ki, Azərbaycan yığmasının yarımmüdafiəçisi Cavid İmamverdiyevin komandası – “Elazığspor” da növbəti matçına çıxıb.

Sözügedən komanda səfərdə “Alanyaspor”la qarşılaşıb. Oyun 2:0 hesabıyla elazığlıların xeyrinə başa çatıb. Cavid start heyətdə çıxdığı oyunun 80-ci dəqiqəsində əvəzlənib.

Qeyd edək ki, “Elazığspor” hazırda 19 xalla 6-cı pillədə qərarlaşıb.