“Çelsi”nin 2 futbolçusu mövsümü erkən bitirib

Allsport.az xəbər verir ki, “Çelsi”nin futbolçuları Meyson Mount və Ris Ceyms zədə səbəbindən mövsümün qalan hissəsində oynamayacaqlar.

Ceyms çempionlar liqasının “Real”a qarşı cavab matçı zamanı xəsarət alıb. 23 yaşlı müdafiəçinin bud nahiyəsində zədə var.

Mount üçün də cari mövsüm tez başa çatıb.

Ceyms bu mövsüm premyer liqada 16 oyuna çıxıb və 1 qol vurub. 24 yaşlı yarımmüdafiəçi olan Meyson isə 24 matçda 3 qol vurub.