Çempion güləşçimiz Azərbaycan və Türkiyə bayraqları ilə fəxri dövrə vurub

Norveç paytaxtı Osloda dünyanın ən güclü güləşçilərin mübarizəsində yunan-Roma üsulunda Rafiq Hüseynov (82 kq) qızıl medal və çempionluq kəməri qazanıb.

Allsport.az saytı xəbər verir ki, olimpiya mükafatçımız finalda finalda türkiyəli Burxan Ağbudaqa 2:1 qalib gəlib. Uğurdan sonra, idmançımız xalçada fəxri dövrə vurub. Bu zaman o, döşəyə Azərbaycan və Türkiyə bayraqları ilə yanaşı çıxıb.

Xatırladaq ki, titullu bahadır 2 həftə öncə AGF-n keçmiş baş katibi Əjdər Cəfərovun direktoru olduğu 2 saylı RİOEUGİM-də yunan-Roma güləşində məşqçi-müəllimliyə keçib.