“Çox üzücü məğlubiyyətdir”

Allsport.az xəbər verir ki, “Kəpəz” premyer liqanın 12-ci turunda səfərdə “Qarabağ”a 1:7 hesabı ilə yenilib. Qonaqların baş məşqçisi Azər Məmmədov mətbuat konfransında açıqlama verib:

“Səviyyə göründü, fərq təkcə meydanda deyil. Rəqib hərtərəfli bizdən üstündür. Çox üzücü məğlubiyyətdir. Reallıq budur ki, “Qarabağ” bizdən qat-qat güclüdür. Ağdam klubunun əsas heyətinə qarşı oynamaq hamı üçün çətindir. Əsasən də bizim kimi komanda üçün. Uşaqlar çalışdılar ki, meydanda nəsə etsinlər. Amma əzmkarlıq çatışmırdı. Bu rəqibə qarşı yalnız əzmkarlıq sayəsində nəticə qazana bilərsən. İlk dövrədə həmin əzmkarlıq nəticəsində xal qazana bilmişdik. Bizdə indi bu çatışmadı. Ona görə belə hesabla uduzduq”.