“Çox yaxşı oynadıq”

İngiltərə millisinin baş məşqçisi Qaret Sautqeyt komandasının Avro-2024-ün finalına yüksəlməsi barədə danışıb.

Allsport.az xəbər verir ki, turnirin yarımfinal matçında ingilislər Niderland millisinə 2:1 hesabı ilə qalib gəliblər. Sautqeyt bu qələbəyə layiq olduqlarını söyləyib:

“Çox yaxşı oynadıq. Çətin bir matç keçirdik və daim taktikamızı dəyişməli olduq. Xüsusən də müdafiədə. Futbolçularımız çox yaxşı qərarlar verdilər. Matçın sonu komanda üçün xüsusi oldu. Bu, bizim ümumi işimizin mükafatıdır”.