“Dənizçilər”dən 50-ci qələbə

Premyer liqanın XXXI turunda “Araz-Naxçıvan”ın qonağı olan “Səbail” yubiley qələbəsini qazanıb. Allsport.az xəbər verir ki, Bakı klubu Azərbaycan çempionatlarının yüksək dəstəsində 50-ci dəfə üç xal qazanıb. 

Şahin Diniyevin komandası səfərdə iki cavabsız qola seviniblər.

“Səbail” 50 qələbədən 29-nu evdə, 21-ni səfərdə qazanıb. Azərbaycan çempionatları tarixində ən azı 50 dəfə qalib gələn 25-ci komandadır. 

“Dənizçilər” ilk qalibiyyətini 2017/18 mövsümündə əldə edib. 2017-ci il avqustun 19-da “Neftçi”ni qəbul edən debütant 1:0 hesabı ilə qələbə qazanıb.