“Dənizçilər”in 25-ci ev qələbəsi

Misli premyer liqasının 5-ci turunda “Qarabağ”la oyunda 2:1 hesablı qələbə “Səbail” üçün yubiley ilə əlamətdar olub. Allsport.az saytı xəbər verir ki, Bakı klubu çempionatda 25-ci ev qələbəsini qazanıb.

Buna qədər “dənizçilər” 18 heç-heçə edib və 44 dəfə uduzub. “Səbail” premyer liqada 2017/18 mövsümündə debüt edib. İlk ev qələbəsi 2017-ci il avqustun 19-da qeydə alınıb. “Neftçi” ilə güşündə meydan sahibləri 1 cavabsız qolla seviniblər.