“Danışılası çox şey yoxdur”

Bu gün “Kəpəz” premyer liqanın 11-ci turunda səfərdə “Turan Tovuz”a 0:4 yenildi.

Allsport.az saytı xəbər verir ki, mətbuat konfransında qonaqların baş məşqçisi Azər Məmmədov məğlubiyyətə belə şərh verdi:

“Danışılası çox şey yoxdur. Oyunu təhlil etməli, səhvlərimizdən nəticə çıxarmalıyıq.

Əsas gücü start heyətə qoymuşduq. Nəsə etməyə ümidliydik. İlk yarını pis keçirmədik. Sadəcə, son dəqiqədə bir anlıq nəzarəti itirməyimiz qolla nəticələndi.

2-ci hissədə irəli atıldıq. “Turan Tovuz” fiziki və atketik cəhətdən bizdən üstündür. Rəqib qələbəyə layiq idi”.