Daynis Kazakeviç: “Azərbaycan millisi kifayət qədər yaxşıdır”

“Azərbaycan millisi kifayət qədər yaxşı komandadır. İlk 15 dəqiqədə ciddi problemlərlə üzləşdik: Yaxşı ki, oyuna nəzarəti bərpa edə bildik və ən parlaq çıxışımızla qalib gəldik, iyun ayında bizə lazım olacaq məqamları işlətdik”.

Allsport.az saytı xəbər verir ki, bunu Latviya seçməsinin baş məşqçisi Daynis Kazakeviç “ay-ulduzlular”ımıza 1:0 qalib gəldikləri yoldaşlıq oyunundan sonra mətbuat konfransında deyib.

41 yaşlı mütəxəssis görüşün tipik yoxlama matçı olduğunu qeyd edib: “Həm hücumda, həm də müdafiədə yerinə yetirmək istədiyimiz vəzifələr var idi. Görüş bütövlükdə orta səviyyədə keçdi. Meydanda kifayət qədər texniki nasazlıqlar, qərarlarla bağlı çoxlu suallar var idi”