De Byazi qalır, ya gedir?

Noyabrın 22-də AFFA-nın icraiyyə komitəsinin fövqəladə iclası keçiriləcək.

Allsport.az xəbər verir ki, saat 10:00-da AFFA-nın inzibatı binasında başlayacaq iclasda baş məşqçi Canni de Byazi Avro-2024-ün seçmə mərhələsindəki çıxışı ilə bağlı hesabat verəcək.

Həmçinin italiyalı mütəxəssisin Belçikaya 0:5 hesablı məğlubiyyətdən sonra idman jurnalistləri barədə səsləndirdiyi xoşagəlməz fikirlər müzakirə olunacaq.

İcraiyyə komitəsinin Canni de Byazinin noyabrın sonunadək olan müqaviləsinin artırlıb-artırlımama məsələsi ilə bağlı qərar verəcəyi də gözlənilir.