Delofunun müqaviləsi 2026-ya qədər olacaq

Allsport.az xəbər verir ki, hücumçu Cerar Delofu “Udineze” ilə müqaviləsini uzadıb.

29 yaşlı futbolçunun yeni müqaviləsi 2026-cı il iyunun 30-da başa çatacaq.

İspaniyalı 2020-ci ilin oktyabrında icarə əsasında “Vatford”dan “Udineze”yə keçib və 2021-ci ilin əvvəlində “zebralar” onu 17 milyon avroya alıb.

2022/23 mövsümündə Delofu İtaliya təmsilçisinin heyətində 18 oyuna çıxıb, 3 qol vurub və 7 məhsuldar ötürmə edib.