“Difai”nin apellyasiya şikayəti təmin edilib

Allsport.az saytı xəbər verir ki, 17 fevral 2023-cü il tarixdə intizam komitəsi tərəfindən AFFA region liqasında çıxış edən “Difai” futbol klubu barəsində qəbul edilmiş 0:3 hesablı texniki məğlubiyyət cəzası Apellyasiya arbitraj tribunalının qərarına əsasən ləğv edilib.

“Neftçi” komandası tərəfindən verilmiş apellyasiya şikayətləri təmin edilməyib. İntizam komitəsi tərəfindən AFFA gənclər liqasında çıxış edən futbolçu Oruc Məmmədov barəsində 4 oyun və “ağ-qaralar“ın baş məşqçisi İlyas Qurbanov barəsində verilmiş 5 oyun kənarlaşdırma cəzası qüvvədə saxlanılsın.