Elektrik təchizatında problemə görə oyunun vaxtı dəyişdirildi

Azərbaycan premyer liqasında “Səbail” – “Kəpəz” matçının başlama vaxtı dəyişdirilib.

Allsport.az xəbər verir ki, buna Bakı klubunun ev oyunlarını keçirdiyi “ASCO Arena”nın elektrik təchizatında problem yaranması səbəb olub.

“Səbail”in müraciəti əsasında “Kəpəz” məlumatlandırılıb və əvvəlcədən 18:30-da başlanması nəzərdə tutulan oyunun 14:00-da başlanmasına qərar verilib.

Bundan əlavə, təşkilati məsələlər ilə bağlı XVI turun “Zirə” – “Araz Naxçıvan” oyununun startı 18:00-dan 17:00-a keçirilib.