Elşad Əhmədov: Ön xəttdə top saxlaya bilmirik

“Sabah” ölkə kubokunun 1/4 finalının cavab görüşündə “Qəbələ”yə 0:1 uduzub. Allsport.az saytı xəbər verir ki, debütantın baş məşqçisi Elşad Əhmədov oyun barədə fikrini bildirib:

“Oyun gərgin keçdi. Uşaqlar 75-80 faiz əllərindən gələni etdilər. Əsas odu ki, futbolçularımda əzmkarlığı gördüm. Düzdü, taktiki-texniki planda çatışmazlıqlarımız var idi.

Qış fasiləsində bu çatışmazlıqların aradan qaldırılması istiqamətində çalışacağıq. Hücumda problemlərimiz var. Ön xəttdə top saxlaya bilmirik. Ən böyük problemimiz budu. “Qəbələ”ni yarımfinala çıxması münasibəti ilə təbrik edirəm”.