Elxan Abdullayev: “Bu 3 xal bizə hava-su kimi lazım idi”

“Neftçi” klubunun baş məşqçisi Elxan Abdullayev Premyer liqanın 11-ci turunda “İnter”lə oyundan sonra fikrini açıqlayıb. Allsport.az saytı xəbər verir ki, o, 35 gündən sonra növbəti dəfə qalib gəlmələri barədə bunu deyib:

“Oyun çox gərgin keçdi. Bu 3 xal bizə hava-su kimi lazım idi. Futbolçuların oyunundan razı qaldım, onları təbrik edirəm.

Bu gün yerli oyunçulara üstünlük vermişdik, onlar da özlərini doğrultdular. Uşaqlarda özünəinam yaranıb, bu, futbolda çox önəmlidir. Biz düz istiqamət seçmişik”.