Elxan Məmmədovun futbolçusu La Liqaya 1 addım yaxınlaşdı

İspaniya Sequndasından La Liqaya yüksəlmək uğrunda yarımfinalın ilk pley-off oyunları baş tutub. Allsport.az saytı xəbər verir ki, Azərbaycan millisinin yarımmüdafiəçisi Eddi İsrafilovun şərəfini qoruduğu “Kordoba” öz meydanında “Jirona” ilə qarşılaşıb.

Matç 2:1 hesabı ilə “xəlifələr”in xeyrinə bitib. Eddi bu görüşdə iştirak etməyib. O, matçı sonadək ehtiyat oyunçular skamyasından izləyib. Bu komandalar arasındakı cavab görüşü iyunun 12-də keçiriləcək.