Emil Balayevli “Ayntraxt” ilk pley-off matçında heç-heçə etdi

Almaniyanın əsas Bundesliqasında 16-cı yeri tutaraq elitanı tərk etmək təhlükəsi ilə üzləşən “Ayntraxt” klubu 2-ci dəstədə 3-cü yeri tutmuş “Nürnberq”lə ilk pley-off matçına çıxıb. Allsport.az xəbər verir ki, Azərbaycan millisinin qapıçısı Emil Balayevin çıxış etdiyi komanda ilk oyunu doğma meydanda keçirib.

Amma Frankfurt təmsilçisi aşağı liqadan gəlmiş rəqibini məğlub edə bilməyib. Tərəflər meydanı 1:1 hesablı heç-heçə ilə tərk ediblər. Bu isə cavab görüşündə “Nürnberq”in qələbə qazanaraq, elitaya yüksəlmək şansını artırıb.

Hansı ki, həmin matçın mayın 23-də keçirilməsi nəzərdə tutulub. Həmyerlimiz bu oyunda da iştirak ərizəsində yer almayıb.