Emin Nurinin komandasının səfər qələbəsi

İsveç çempionatında 12-ci turun oyunları keçirilib. Allsport.az saytı xəbər verir ki, azərbaycanlı futbolçu Emin Nurinin komandası “Kalmar” səfərdə “Falkenberq”lə qarşılaşıb.

Qonaqlar bu görüşdən qələbə ilə ayrılıblar – 2:1. Emin bu görüşün start heyətində meydana çıxıb və sonadək mübarizə aparıb. O, matçın 35-ci dəqiqəsində sarı vərəqə ilə də cəzalanıb.

“Kalmar” 16 xalla 16 klub arasında 9-cu pillədə qərarlaşıb.