Estoniya – Azərbaycan: açıq məşq və mətbuat konfransı

UEFA millətlər liqasının qrup mərhələsində keçiriləcək Estoniya – Azərbaycan oyunundan öncə təşkil olunacaq açıq məşqlər və mətbuat konfranslarının vaxtı müəyyənləşib.

Allsport.az xəbər verir ki, oktyabrın 10-da, yerli vaxtla saat 17:15-də baş məşqçi Fernandu Santuşun mətbuat konfransı gerçəkləşəcək.

Saat 18:00-da isə yığmanın açıq məşqçi baş tutacaq. Rəqibin baş məşqçisinin mətbuat konfransı 10:45-də, açıq məşqi isə 11:15-də olacaq.

Qeyd edək ki, Estoniya – Azərbaycan matçı oktyabrın 11-də, Bakı vaxtı ilə saat 20:00-da Tallin şəhərindəki “Lilekulla” stadionunda keçiriləcək.