Fəhmin Muradbəyli: “Seçmə mərhələni yaxşı nəticə ilə başa vurmaq istəyirdik”

21 yaşadək futbolçulardan ibarət millinin üzvü Fəhmin Muradbəyli qol sevincini bölüşüb. Allsport.az saytı xəbər verir ki, o, AÇ-2019-un seçmə mərhələsində Norveçə qarşı səfər oyununu belə şərh edib:

“Çox çətin oyun oldu. Hər 2 komanda yaxşı mübarizə apardı. Çətin səfərdə məqsədimiz 3 xal qazanmaq idi. Oyunumuz istədiyimiz kimi gedirdi. Rəqibi əks-hücumda yaxalayıb penalti vurmaq imkanı qazandıq.

Qol vurduğum üçün sevinirəm. Bu seçmə mərhələdə sonuncu oyunumuz idi. Seçmə mərhələni yaxşı nəticə ilə başa vurmaq istəyirdik”.