Fərid Mansurov BOK-un fəxri lövhəsində xatirə imzası çəkən ilk olimpiya çempionumuz oldu!

İsveçrənin Lozanna şəhərində Beynəlxalq Olimpiya Komitəsinin yeni inzibati binası istifadəyə verilib. Allsport.az saytı xəbər verir ki, bu məqsədlə tədbirə çoxlu qonaqlar dəvət olunub. Binada qaliblərə həsr olunmuş fəxri lövhə yaradılıb. Onlar orda öz imzalarını atırlar. Bu, hər bir olimpiya çempionunun BOK-u ziyarət etdiyi zaman öz nəaliyyətlərini əbədiləşdirməyə imkan yaradır.

Gənclər və idman nazirliyinin idman şöbəsinin müdiri Fərid Mansurov Avropa milli olimpiya Komitələrinin olimpiya oyunlarına hazırlığına dair regional forumunda iştirak edir. Forum 17-20 sentyabrı əhatə edir. Proqram Tokio-2020-nin akkreditasiya, idman qurğuları, nəqliyyat, yaşayış, tibbi xidmət, anti-dopinq və digər sahələrini əhatə edir.