“Fasilədən sonra daha böyük qüvvə ilə hücum etdik”

“Zirə” premyer liqanın 18-ci turunda evdə “Sumqayıt”a 1:0 qalib gəlib. Allsport.az saytı xəbər verir ki, mətbuat konfransında meydan sahiblərinin baş məşqçisi Rəşad Sadıqov bunu söyləyib:

“Hər bir oyun əvvəlkindən daha önəmli olur. Futbolçulara bildirmişdik ki, bizə qarşı tam fərqli “Sumqayıt” olacaq. Bunu ilk dəqiqələrdən gördük. Buna görə tələsmədən, səbirli oynayırdıq. Fasilədən sonra daha böyük qüvvə ilə hücum etdik.

Qol da vurduq, yenə imkanlarımız oldu. Amma 2-ci qolu vura bilmədik və son dəqiqələr bizim üçün çətin oldu. Rəqibin də fürsətləri vardı. Vacib 3 xal qazandıq, xoşbəxtik. Növbəti oyunlara hazırlaşmalıyıq”