“Fasilədən sonra ilk hissədəki səhvlərimizi düzəltdik”

“Sabah” premyer liqanın 9-cu turunda səfərdə “Neftçi”yə 2:1 qalib gəlib. Allsport.az saytı xəbər verir ki, qonaqların baş məşqçisi Murad Musayev qələbə barədə bunu söyləyib:

“Həm komanda, həm rəhbərlik, həm də azarkeşlərimiz üçün çox mühüm qələbə idi. “Neftçi” çox güclü komandadı, son ölkə çempionudur. Birinci hissədə istədiyimiz kombinasiyalı oyun alınmadı. Öz meydançamızda çoxlu səhvlərə yol verdik.

Lakin buna rəğmən, komanda inamlı görünür, meydanın hər qarışı uğrunda mübarizə aparırdı. Fasilədən sonra ilk hissədəki səhvlərimizi düzəltdik. Çoxlu pressinq tətbiq etdik və bunun da nəticəsində iki əks-hücumda fərqlənməyi bacardıq.

Uşaqların inamlı oyunundan, işə yanaşmasından və sona kimi mübarizə aparmasından çox razı qaldım. Qarşıda bizi gərgin iş gözləyir, bir gün də dayanmaq olmaz”.