Formula-1 pilotları Bakıda ağac əkdilər

Bakıda Formula-1 Azərbaycan qran-prisinin pilotları 5 iyun – ümumdünya ətraf mühitin mühafizəsi günündə ağacəkmə aksiyasına qoşulublar.

Allsport.az xəbər verir ki, aksiyada nazirliyin rəsmiləri, Bakı şəhər halqası əməliyyat şirkətinin icraçı direktoru Arif Rəhimov və Formula-1 pilotları iştirak ediblər.

Aksiya çərçivəsində Hökumət evinin qarşısındakı ərazidə sərv ağacları əkilib.

Dünya əhalisinin diqqətini ətraf mühitin mühafizəsinə yönəltmək və ekoloji şüurun yüksəldilməsi məqsədilə 1972-ci ildən başlayaraq hər il 5 iyun tarixi ümumdünya ətraf mühitin mühafizəsi günü kimi qeyd olunur.