Formula-2 üzrə ilk yarışda “Rasinq”in pilotu qalib gəldi

Bakıda formula-2 üzrə ilk yarışda “PREMA Rasinq” komandasının sürücüsü Şarl Lekler qalib olub. Allsport.az saytı xəbər verir ki, monakolu pilot 1 dəqiqə 54,025 saniyə nəticə göstərib. “Rapaks”ın üzvü Nik de Vris 2-ci, DAMS-ın kanadalı sürücüsü Nikolas Latifi 3-cü olublar.

Yarış başa çatdıqdan sonra mükafatlandırma təşkil olunub. Kubokları Azərbaycan Avtomobil Federasiyasının vitse-prezidenti Mədət Quliyev, gənclər və idman nazirinin müavini İsmayıl İsmayılov və olimpiya çempionu Namiq Abdullayev təqdim ediblər.

Qeyd edək ki, f2-nin ikinci yarışı (8-ci mərhələ) iyunun 25-də saat 14:00-da başlayacaq. İkinci yarış 12 dövrə və ya 45 dəqiqə davam edəcək.