Fransa millisi 2-ci dəfə Dünya Kubokuna yiyələndi

Bu gün Rusiyada Dünya Kuboku başa çatıb. Allsport.az saytı xəbər verir ki, 1 ay davam edən futbol həyacanın yekununda qalib adını Fransa millisi qazanıb.

Moskvanın “Lujniki” stadionunda keçirilən oyunda “xoruzlar” tarixində ilk dəfə finala çıxan Luka Modriçli Xorvatiya yığmasını 4:2 məyus edib. Qələbə sayəsundə firənglər dünya çempionatlarında 2-ci dəfə baş mükafata yiyələniblər.

Xatırladaq ki, dünən “Sankt-Peterburq” stadionunda bürünc medal uğrunda görüşdə Belçika futbolçuları İngiltərə komandasına 2:0 qalib gəlib.