Fransada qaradərili futbolçular irqçi təzyiqlərə məruz qalıblar

Fransa millisini qaradərili futbolçuları Kinqsli Koman, Orelyen Çuameni və Randal Kolo-Muani dünya çempionatının finalında məğlub olduqdan sonra, irqçi təzyiqlərə məruz qalıblar.

Allsport.az saytı xəbər verir ki, istifadəçilər oyunçuların sosial şəbəkələrində təhqiredici mesajlar yazmağa başlayıb və onların postlarının altında meymun və banan şəkilləri paylaşıblar. Bundan sonra Çuameni yazılara şərh vermək imkanını məhdudlaşdırıb, Kolo-Muani isə şərhləri söndürüb. Eyni zamanda, Koman vəziyyətə heç bir reaksiya verməyib.

Dekabrın 18-də Qətərdə həlledici oyununda Fransa Argentinaya məğlub olub. Əsas vaxt 2:2 hesabı ilə başa çatıb. Əlavə vaxtda komandalar hərəyə bir qol vurublar. Penaltilər seriyasında Argentina daha güclü olub – 4:2. Fransalı futbolçu Kolo-Muani əlavə vaxtda qol vurmaq imkanından yararlana bilməyib. Koman və Çuameni isə həlledici penaltilər seriyasında qeyri-dəqiq oynayıblar.