“Futbolçularımız şir kimi mübarizə aparırdılar”

İtaliya millisinin baş məşqçisi Luçano Spaletti millətlər liqasının 5-ci turunun matçında Belçika üzərində qazandıqları qələbəni (1:0) şərh edib.

Allsport.az xəbər verir ki, italyan mütəxəssis futbolçularından razı qalıb:
“Uşaqlar yaxşı oynadılar. İkinci hissədə oyun çox çətinləşdi, topa sahib olmaqda üstünlüyü əldən verdik və çoxlu qeyri-dəqiq ötürmələr etdik.
Belçika bizə təzyiq edəndə futbolçularımız şir kimi mübarizə aparırdılar. Rovellanın oyunu əla idi. Hamının çıxışını bəyəndim. Güclü komanda olduğumuzu göstərdik.”

İtaliya millisi növbəti oyununu noyabrın 17-də Milanda Fransaya qarşı keçirəcək.