Futbolçunu yerə sərən hakimin cəzası müəyyənləşib

Meksika 1-ci futbol fiqasının (Liga MX Clausura) 13-cü turunda “Leon”un futbolçusu Lukas Romeronu dizi ilə vuran hakim Fernando Hernandes 12 oyunluq cəzalanıb.

Allsport.az xəbər verir ki, hər 2 komandanın məşqçisinin qovulduğu, 6 futbolçunun sarı vərəqə aldığı “klub Amerika” – “Lion” matçında yaşıl meydanlarda nadir hadisə yaşanıb. Bu dəfə azarkeşlər, oyunçular və ya komandaların texniki komitələrindən biri yox, hakim zorakılıq nümayiş etdirib.

Meksika futbol federasiyasından verilən açıqlamaya görə, nizam-intizam komitəsi hakim Fernando Hernandezin 12 oyunluq cəzalandırılmasına qərar verib.

Amerika klubunun baş məşqçisi Fernando Ortis, Leon məşqçisi Nikolas Larkamon və Leonun yarımmüdafiəçisi Romero hərəyə 2 oyunluq cəzalanıb