Gələn həftə premyer liqanın debütantları müəyyənləşir

Mayın 12-də AFFA-nın inzibati binasında lisenziya komissiyasının toplantısı keçiriləcək. Allsport.az saytı xəbər verir ki, iclas zamanı 2017-2018-ci il lisenziyalaşdırma mövsümündə UEFA və premyer liqada iştirak etmək məqsədilə lisenziya üçün müraciət etmiş klubların ərizələrinə baxılacaq.

Çıxarılacaq qərarlara əsasən avrokuboklara oynayacaq komandaların adı rəsmiləşəcək. Bu hüququ qazanan “Qarabağ”, “Qəbələ”, “İnter” və “Zirə” vəsiqəsini rəsmiləşdirmək üçün müvafiq icazəni almalıdırlar.

Həmçinin, yüksək dəstədə çıxış edəcək klubların da adı bəlli olacaq. 1-ci d ivizionun mükafatçıları “Turan Tovuz”, “Səbail” və “Ağsu”nun premyer liqada debüt edib-etməməsinə də yığıncaqda aydınlıq gələcək.