“Gent”in baş məşqçisi: Qapımıza penalti yox idi

Belçikanın “Gent” klubu konfrans liqasının pley-ofunun ilk görüşündə Bakıda “Qarabağ”a 0:1 yenildi. Allsport.az saytı xəbər verir ki, mətbuat konfransında qonaqların baş məşqçisi Heyn Vanhazebruq bunu dedi:

“Deməzdim ki, hesabın 0:0 bitməsini istəyirdim. Bizim də imkanlarımız oldu. Fikirləşirdim ki, ilk hissəni 1:0 xeyrimizə bitirəcəyik.

İkinci yarıda rəqib lazımi oyunçuları meydana sala bildi. Bizdə isə əvəzetmələrdə hazır olmayan, gənclər oynadı.

Penalti epizoduna gəlincə, düşünürəm ki, yox idi. Özüm hakimlə VAR komissarının söhbətini eşitdim.

0:1 uduzduq, hələ heç nə itirilməyib. Evdə azarkeş amilindən yararlanmağa çalışacağıq”.