Həmvətənimiz “Germaniya Halberştadt”a kömək edə bilmədi

Almaniyanın Şimal-Şərq Regional Liqasında 31-ci turun görüşləri keçirilib. Allisport.az saytı xəbər verir ki, Azərbaycan millisinin sabiq hücumçusu Rüfət Dadaşovun oynadığı “Germaniya Halberştadt” klubu səfərdə “Babelsberq” ilə qarşılaşıb.

Matç futbolçumuzun klubunun məğlubiyyəti ilə başa çatıb – 0:1. Həmvətənimiz bu matçda 90 dəqiqə meydanda olub. Rüfətin komandası hazırda 23 xalla 18 klub arasında 17-ci pillədə qərarlaşıb.