“Hər 2 tərəfə alqış düşür”

“Qarabağ” premyer liqanın 6-cı turunda öz meydanında “Sabah”a 4:3 qalib gəlib. Allsport.az saytı xəbər verir ki, mətbuat konfransında Ağdam klubunun baş məşqisi Qurban Qurbanov gərgin keçən oyun barədə bunu söyləyib:

“Bəzən belə oyunlarda, sanki istəyirsən oyun bitməsin. Meydanda əsl futbol vardı. “Sabah” çox yaxşı çıxış etdi. Rəqib baş məşqçini təbrik edirəm. Bu gün hər 2 tərəfə alqış düşür. Qarşımızda istəkli komanda var idi. Belə olan halda, rəqib daha məsuliyyətli olur.

Oyunçularımı da təbrik edirəm. Çox zəhmət çəkdilər. Azarkeşlər bu gün əsl futbol gördülər: bol qol, sürət, dinamika, hücumlar və gərginlik. Nəticə öz yerində, ümumi oyuna görə daha çox rahatam”.