Hafiz Məmmədov “Qalatasaray” – “Atletiko” matçını izləyəcək

Bu gün Avropa Çempionlar Liqasında qrup mərhələsi başlayacaq. Allsport.az saytı xəbər verir ki, “Qalatasaray” klubu “D” qrupunda ilk matçda İspaniya “Atletiko”si ilə qarşılaşacaq. Madrid komandasının İstanbula dəvət etdiyi qonaqlar sırasında “Bakı” və “Lans”ın sahibi Hafiz Məmmədov da var.

Madrid təmsilçisi futbolkasında “Land of fire Azerbaijan”ı daşıyandan sonra, “Atletiko” ilə azərbaycanlı iş adamı arasında isti münasibətlər yaranıb. Belədə, tərəflər zaman-zaman bir-birlərini qonaq edirlər. Türkiyə çempionuna gəlincə, ev sahibi “Türk Telekom Arena”da Arda Turanın keçmiş komandasını məğlub yola salmaq niyyətindədir.