- Baxış sayı: 58
- 07 Sentyabr 2024 10:32
- Baxış sayı: 49
- Sentyabr 07, 2024
- 0
Bu gün 2023-2024-cü illərdə ölkəmizdə keçiriləcək yarış və turnirlərdə iştirak edəcək hakimlərin seminarı keçirilib. GİN-nin voleybol mərkəzində baş tutan seminarda 40-a yaxın hakim iştirak edib.
Allsport.az xəbər verir ki, ilk olaraq Azərbaycan voleybol federasiyasının (AVF) hakimlər komissiyasının sədri, beynəlxalq dərəcəli hakim Eldar Zülfüqarov və sədrin müavini, beynəlxalq dərəcəli hakim Zaur Hacıyev seminar iştirakçılarını salamlayıblar və onlara qarşıdakı yarışlarda uğurlar arzu ediblər.
E.Zülfüqarov və Z.Hacıyev seminar iştirakçılarına yeni qaydalar haqqında məlumat veriblər və onları maraqlandıran sualları cavablandırıblar. Seminarın sonunda hakimlər test imtahanında iştirak ediblər. Hakimlər komissiyası hakimlərin təyinatını testin nəticələrinə uyğun olaraq həyata keçirir.
Ölkəmizdə keçirilən bütün yarışlara hakimlər AVF-nin Hakimlər komissiyası tərəfindən təyin olunur.
Qeyd edək ki, AVF hər il hakimlərin bilik və bacarıqlarını artırmaq üçün seminarlar keçirir. Yaxın zamanlarda belə seminarlar yenidən təşkil olunacaq.