Hazard müqavilənin sonuna qədər “Real”da qalmaq qərarına gəlib 

Eden Hazard daha bir mövsüm “Real”da qalmaq qərarına gəlib.

Allsport.az xəbər verir ki, bu o deməkdir ki, Hazard 2024-cü ilin iyununda başa çatacaq müqaviləsinin tam müddətini Madrid klubunda keçirməyi planlaşdırır.

Belçikalı sentyabr ayından bəri la liqada oynamır. O, bu mövsümdə cəmi 3 oyun keçirib. Bildirilir ki, fevralda futbolçu ilə klub rəhbərliyi arasında görüş olub, onun komandadakı çətin vəziyyəti müzakirə olunub.

Hazard həftədə 600.000 avro qazanır, ən yüksək maaş alan “Real” oyunçusu olaraq qalır.

“Real” Hazardı “Çelsi”dən 106 milyon avroya alıb. Hücumçu 4 il ərzində cəmi 73 oyuna çıxıb və cəmi 7 qol vurub.